Testo Luntanu:

Quannu u scuru cummogghia li casi

d’un nivuru carbuni

e iu m’affacciu a la me fenestra

taliu luntanu

dunni si perdinu l’occhi.

Quannu trasu

e mettu pedi ‘ntrà la me casa

vulissi rumpiri tutti così

vulissi vulari ‘nto celu e lu mari

vulissi cantari li me canzuna

vulissi essiri dintra li stiddi stanotti.

Quannu chianciu

picchi’pensu a tia ca si luntana

l’occhi ti cercanu ma nun ci si

mi votu ‘nto lettu e mi rivotu e nun dormu,

e poi fussi aceddu

cu’battitu d’ali jo ti uncissi

ma jo a vulari nun ci la sacciu

e aspettu chi un jornu

addumarisi un focu,

sarannu li luci di li to occhi

cchiu’granni

ca mi sonanu la me ninna nanna,

stanotti.