Testo Al trist:

A-m sun desdee stamateina

l’è primavera ma al piov.

A-n poss purteret fora anch s-l’lè dmanga

perché a-n-g’ho menga al vsti nov.

A-gh’era too peder su l’öss

a-l m’ha dmandee quand a-te spos.

Me ca fag fadiga a magner per me

peinsa mò bein c’sag-s foss in doo.

E quand l’è gnuda too medra

a-g’ho dmandèe in do t’eret te.

La m’à rispost el’è andeda via

con un ch’al gh’à piò sold che me.

E me a sun ché in mez a la streda

seinza saveir c’sa posia fer.

L’è brott daboun ster a la dmanga

a bsaca voda e seinza te.

E intant a-m piòv sovra a la testa

e a-sun tot moi comm un pulzein.

A-sun da sol d-long a la streda

e a-zigh daboun comm un putein.

L’è premavera in dal lunari

ma a-per ch’l’inveren sia turnee.